 |
| “ഇറ്റലിയിലെ താമസരേഖകളെക്കുറിച്ച് (Residenza, Domicilio, Virtual Residence) നിങ്ങൾ അറിഞ്ഞിരിക്കേണ്ട കാര്യങ്ങൾ.” |
ഇറ്റലിയിൽ താമസിക്കുന്ന ഓരോ മലയാളിയും നിർബന്ധമായും അറിഞ്ഞിരിക്കേണ്ട രണ്ട് പ്രധാന വാക്കുകളാണ്Residenza (റെസിഡൻസ),Domicilio (ഡോമിസിലിയോ). ഇവ രണ്ടും ഒന്നാണെന്ന് തെറ്റിദ്ധരിക്കുന്നവർ ധാരാളമാണ്. കൂടാതെ, വാടക കരാർ ഇല്ലാത്തവർക്ക് എങ്ങനെ ഐഡി കാർഡ് എടുക്കാം എന്നതിനെക്കുറിച്ചുള്ളVirtual Residenceനെക്കുറിച്ചും നമുക്ക് ഈ പോസ്റ്റിൽ നോക്കാം.
എന്താണ് Residenza (റെസിഡൻസ)?
ഇറ്റലിയിൽ നിങ്ങൾ താമസിക്കുന്ന സ്ഥിരമായ വിലാസമാണിത്. ഇതിനെ നിയമപരമായി‘Habitual Abode’എന്ന് വിളിക്കുന്നു. നിങ്ങൾ ഒരു പ്രത്യേക മുനിസിപ്പാലിറ്റിയിൽ (Comune) സ്ഥിരമായി താമസിക്കുന്നു എന്ന് സർക്കാർ രേഖകളിൽ വരുന്നത് ഈ റെസിഡൻസ വഴി ആണ്.
എന്തിനാണ് ഇത്?: ഐഡി കാർഡ് (Carta d’Identità), ഹെൽത്ത് കാർഡ് (Tessera Sanitaria) എന്നിവ എടുക്കാനും, ബാങ്ക് അക്കൗണ്ട് തുടങ്ങാനും, ഇറ്റാലിയൻ പൗരത്വത്തിന് അപേക്ഷിക്കാനും റെസിഡൻസ നിർബന്ധമാണ്.
എങ്ങനെ ലഭിക്കും?: നിങ്ങൾ താമസിക്കുന്ന സ്ഥലത്തെ കോമുനെയിൽ (Comune) അപേക്ഷ നൽകണം. അപേക്ഷ നൽകിക്കഴിഞ്ഞാൽ മുനിസിപ്പാലിറ്റിയിൽ നിന്നുള്ള ഉദ്യോഗസ്ഥൻ (Vigile) നിങ്ങളുടെ വീട്ടിൽ നേരിട്ട് വന്ന് നിങ്ങൾ അവിടെയാണ് താമസിക്കുന്നത് എന്ന് ഉറപ്പുവരുത്തും. ഇതിനെയാണ് ‘Vigile check’ എന്ന് പറയുന്നത്.
അസൈലം (Asilo) അപേക്ഷകർക്ക് റെസിഡൻസ എടുക്കാമോ?
നിയമപരമായ അവകാശം:ഇറ്റാലിയൻ നിയമപ്രകാരം (Decree-Law 130/2020), അസൈലം അപേക്ഷകർക്ക് റെസിഡൻസയ്ക്ക് അപേക്ഷിക്കാൻ പൂർണ്ണ അവകാശമുണ്ട്.
ആവശ്യമായ രേഖ:നിങ്ങളുടെ കൈവശമുള്ള6 മാസത്തെ പെർമെസ്സോ (Permesso di Soggiorno Provisorio)അല്ലെങ്കിൽ അസൈലം അപേക്ഷ നൽകിയതിന്റെ രസീത് ഉപയോഗിച്ച് നിങ്ങൾക്ക് കോമുനെയിൽ രജിസ്റ്റർ ചെയ്യാം.
ഐഡി കാർഡ് (Identity Card):അസൈലം പേപ്പറിൽ റെസിഡൻസ ലഭിക്കുന്നതോടെ നിങ്ങൾക്ക് ഇറ്റാലിയൻ ഐഡി കാർഡ് ലഭിക്കും. ഇത് ജോലി ലഭിക്കാനും മറ്റ് ഇൻഷുറൻസ് കാര്യങ്ങൾക്കും വളരെ പ്രധാനമാണ്.
താമസസ്ഥലം ഇല്ലാത്തവർക്ക് (Virtual Residence):നിങ്ങൾക്ക് സ്വന്തമായി വാടക കരാറോ (Contract) അല്ലെങ്കിൽ സ്ഥിരമായ താമസസ്ഥലമോ ഇല്ലെങ്കിൽ വിഷമിക്കേണ്ടതില്ല. അസൈലം അപേക്ഷകർക്ക്‘Residenza Virtuale’(വിർച്വൽ റെസിഡൻസ) വഴി ഐഡി കാർഡ് എടുക്കാൻ സാധിക്കും. ഇതിനായി നിങ്ങളുടെ നഗരത്തിലെ കോമുനെയോ അല്ലെങ്കിൽ കാരitas (Caritas) പോലുള്ള സന്നദ്ധ സംഘടനകളെയോ സമീപിക്കാവുന്നതാണ്.
Residenza എടുത്താലുള്ള മറ്റ് പ്രധാന നേട്ടങ്ങൾ (Additional Benefits):
ദേശീയ ആരോഗ്യ ഇൻഷുറൻസ് (SSN Registration):റെസിഡൻസ ഉണ്ടെങ്കിൽ മാത്രമേ നിങ്ങൾക്ക് സ്ഥിരമായി ഒരു ഫാമിലി ഡോക്ടറെ (Medico di base) തിരഞ്ഞെടുക്കാനും മികച്ച ചികിത്സാ സൗകര്യങ്ങൾ കുറഞ്ഞ ചിലവിൽ നേടാനും സാധിക്കൂ.
വാഹന രജിസ്ട്രേഷൻ (Vehicle Registration):ഇറ്റലിയിൽ നിങ്ങളുടെ പേരിൽ ഒരു കാറോ ബൈക്കോ വാങ്ങണമെങ്കിൽ റെസിഡൻസ നിർബന്ധമാണ്.
ബാങ്ക് അക്കൗണ്ട് (Resident Account):റെസിഡൻസ ഉള്ളവർക്ക് ബാങ്കുകളിൽ ‘Resident Account’ തുടങ്ങാം. ഇതിന് ചാർജുകൾ കുറവായിരിക്കും.
സോഷ്യൽ ബെനഫിറ്റുകൾ (Bonus & INPS):സർക്കാർ നൽകുന്ന വിവിധ ബോണസുകൾ (ഉദാഹരണത്തിന് അസീന്യോ യൂണിക്കോ – Assegno Unico), മറ്റ് സാമ്പത്തിക സഹായങ്ങൾ എന്നിവ ലഭിക്കാൻ റെസിഡൻസ അടിസ്ഥാനരേഖയാണ്.
അപേക്ഷിക്കുമ്പോൾ ശ്രദ്ധിക്കേണ്ട കാര്യങ്ങൾ (What to keep in mind):
How to apply for Residenza in Italy
Vigile ചെക്കിംഗ്:നിങ്ങൾ അപേക്ഷ നൽകി കഴിഞ്ഞാൽ 45 ദിവസത്തിനുള്ളിൽ എപ്പോൾ വേണമെങ്കിലും മുനിസിപ്പാലിറ്റി പോലീസ് (Vigile) നിങ്ങളുടെ വീട്ടിൽ വരാം. ആ സമയത്ത് നിങ്ങൾ അവിടെ ഉണ്ടായിരിക്കണം. നിങ്ങളുടെ പേര് വീടിന്റെ ബെല്ലിലും പോസ്റ്റ് ബോക്സിലും ഉണ്ടെന്ന് ഉറപ്പുവരുത്തുക.
ആവശ്യമായ രേഖകൾ:
പാസ്പോർട്ട് (Passport)
Asilo paper (white / yellow)
പെർമെസ്സോ ദി സൊജോർണോ (Permesso di Soggiorno)
കോദിചെ ഫിസ്കാലെ (Codice Fiscale)
വാടക കരാർ (Registered Rental Contract)
റെസിഡൻസ മാറിയാൽ എന്ത് സംഭവിക്കും?
നിങ്ങൾ ഒരു വീട്ടിൽ നിന്നും മറ്റൊരു വീട്ടിലേക്ക് മാറുകയാണെങ്കിൽ പുതിയ കോമുനെയിൽ പോയി 20 ദിവസത്തിനുള്ളിൽ വിവരം അറിയിക്കണം. ഇത് പഴയ റെസിഡൻസ തനിയെ ക്യാൻസൽ ആയി പുതിയത് വരാൻ സഹായിക്കും.
ശ്രദ്ധിക്കേണ്ട കാര്യങ്ങൾ:
നിങ്ങൾ താമസിക്കുന്ന വീട്ടിലെ ബെല്ലിലും (Doorbell) പോസ്റ്റ് ബോക്സിലും നിങ്ങളുടെ പേര് വ്യക്തമായി എഴുതി വെക്കുക. വിജിഗ്ലെ (Vigile) വരുമ്പോൾ ഇത് വളരെ പ്രധാനമാണ്.
റെസിഡൻസ അപേക്ഷ നൽകിയാൽ 45 ദിവസത്തിനുള്ളിൽ വിജിഗ്ലെ (Vigile) പരിശോധന നടക്കും.
എന്താണ് Domicilio (ഡോമിസിലിയോ)?
ലളിതമായി പറഞ്ഞാൽ, നിങ്ങൾ ഒരു നിശ്ചിത ആവശ്യത്തിനായി (ജോലി, പഠനം, ബിസിനസ്സ്) താൽക്കാലികമായി തിരഞ്ഞെടുക്കുന്ന വിലാസമാണ് ഡോമിസിലിയോ. ഇത് നിങ്ങളുടെ ഔദ്യോഗിക വിലാസം (Residenza) ആകണമെന്നില്ല.
രജിസ്ട്രേഷൻ ആവശ്യമില്ല:റെസിഡൻസ എടുക്കുന്നതുപോലെ ഇതിനായി കോമുനെയിൽ പോകുകയോ വിജിഗ്ലെ (Vigile) വന്ന് പരിശോധിക്കുകയോ ചെയ്യേണ്ടതില്ല. നിങ്ങൾ എവിടെയാണോ നിലവിൽ താമസിക്കുന്നത് അല്ലെങ്കിൽ എവിടെയാണോ നിങ്ങളുടെ കത്തുകൾ വരാൻ ആഗ്രഹിക്കുന്നത്, ആ വിലാസം നിങ്ങൾക്ക് ഡോമിസിലിയോ ആയി നൽകാം.സത്യത്തിൽ ഡോമിസിലിയോയ്ക്ക് വേണ്ടി നിങ്ങൾ ഒരു സർക്കാർ ഓഫീസിലും ക്യൂ നിൽക്കേണ്ടതില്ല.
ഉപയോഗങ്ങൾ:
ജോലിസ്ഥലത്തെ കരാറുകളിൽ (Work Contract) നൽകാൻ.
ബാങ്ക് അക്കൗണ്ട് സ്റ്റേറ്റ്മെന്റുകൾ ലഭിക്കാൻ.
ആമസോൺ (Amazon) പോലുള്ള ഓൺലൈൻ ഷോപ്പിംഗ് സൈറ്റുകളിൽ ഡെലിവറി വിലാസമായി നൽകാൻ.
താൽക്കാലികമായി ഒരു ഫാമിലി ഡോക്ടറെ (Medico di base) തിരഞ്ഞെടുക്കാൻ.
| ഫീച്ചർ | റെസിഡൻസ (Residenza) | ഡോമിസിലിയോ (Domicilio) |
| സ്വഭാവം | സ്ഥിരമായ ഔദ്യോഗിക വിലാസം. | താൽക്കാലികമായ വിലാസം. |
| രജിസ്ട്രേഷൻ | കോമുനെയിൽ രജിസ്റ്റർ ചെയ്യണം. | രജിസ്ട്രേഷൻ ആവശ്യമില്ല. |
| എണ്ണം | ഒരാൾക്ക് ഒന്നേ പാടുള്ളൂ. | ആവശ്യാനുസരണം ഒന്നിലധികം ആകാം. |
| രേഖകൾ | ഐഡി കാർഡിൽ ഈ വിലാസം വരും. | ഐഡി കാർഡിൽ ഇത് രേഖപ്പെടുത്തില്ല. |
ഡോമിസിലിയോ കൊണ്ടുള്ള പ്രധാന ഗുണം (Temporary Doctor):
നിങ്ങളുടെ റെസിഡൻസ റോമിലാണെന്ന് കരുതുക, എന്നാൽ നിങ്ങൾ മിലാനിൽ ഒരു ജോലിക്ക് പോയി. അവിടെ നിങ്ങൾക്ക് അസുഖം വന്നാൽ റോമിലെ ഡോക്ടറുടെ അടുത്തേക്ക് വരാൻ കഴിയില്ലല്ലോ? അങ്ങനെയുള്ളപ്പോൾ മിലാനിലെ നിങ്ങളുടെ താമസം ‘Domicilio’ ആയി കാണിച്ച് അവിടെ ഒരുതാൽക്കാലിക ഡോക്ടറെ (Temporary Physician)തിരഞ്ഞെടുക്കാൻ നിങ്ങൾക്ക് സാധിക്കും.
എങ്ങനെയാണ് ഡോമിസിലിയോ മാറ്റുന്നത്?
ഇതിനായി സർക്കാരിന്റെ അനുവാദം വേണ്ട. വെറും ഒരു ‘Self-declaration’ (Autocertificazione) വഴി നിങ്ങൾക്ക് ഇത് മാറ്റാം. അതായത്, “ഞാൻ ഇന്ന വിലാസത്തിൽ താമസിക്കുന്നു” എന്ന് നിങ്ങൾ ഒപ്പിട്ടു നൽകുന്ന ഒരു വെള്ളക്കടലാസ് പോലും ഡോമിസിലിയോ തെളിവായി പലയിടത്തും സ്വീകരിക്കും.
എന്താണ് Virtual Residence (വിർച്വൽ റെസിഡൻസ്)?
ഇവിടെ നിങ്ങൾ ഒരു കെട്ടിടത്തിലല്ല താമസിക്കുന്നത്, പകരം ഒരു നഗരത്തിലെ നിലവിലില്ലാത്ത ഒരു സ്ട്രീറ്റ് (Street) നാമത്തിലായിരിക്കും നിങ്ങളുടെ വിലാസം രജിസ്റ്റർ ചെയ്യുന്നത്. ഉദാഹരണത്തിന്, റോമിൽ ഇതിനെ‘Via Modesta Valenti’എന്ന് വിളിക്കുന്നു. ഇത് കേവലം ഒരു കടലാസ് വിലാസമല്ല, മറിച്ച് എല്ലാ ഔദ്യോഗിക ആവശ്യങ്ങൾക്കും ഉപയോഗിക്കാൻ കഴിയുന്ന നിയമപരമായ വിലാസമാണ്.
അസൈലം അപേക്ഷകർക്ക് (Asilo Seekers) ഇത് എത്രത്തോളം ഗുണകരമാണ്?
അസൈലം അപേക്ഷകരെ സംബന്ധിച്ച് വിർച്വൽ റെസിഡൻസ് ഒരു ലൈഫ് സേവർ (Life Saver) ആണ്:
ഐഡി കാർഡ് നേടാം:ക്യാമ്പുകളിൽ (CAS/SAI) അല്ലാത്തവർക്കും അല്ലെങ്കിൽ സ്വന്തമായി കോൺട്രാക്ട് ഇല്ലാത്തവർക്കും ഐഡി കാർഡ് (CIE) എടുക്കാൻ ഇത് സഹായിക്കും.
ജോലി കരാർ:ഐഡി കാർഡ് ഉണ്ടെങ്കിൽ മാത്രമേ ഇറ്റലിയിൽ ലീഗൽ ആയി ജോലിയിൽ പ്രവേശിക്കാൻ സാധിക്കൂ. വിർച്വൽ റെസിഡൻസ വഴി ലഭിക്കുന്ന ഐഡി കാർഡ് ഇതിന് മതിയാകും.
ഹെൽത്ത് കാർഡ് പുതുക്കാം:താമസ രേഖകൾ ഇല്ലാത്തതിനാൽ ഹെൽത്ത് കാർഡ് ബ്ലോക്ക് ആയവർക്ക് വിർച്വൽ റെസിഡൻസ വഴി അത് ആക്റ്റീവ് ആക്കാം.
പെർമെസ്സോ പുതുക്കാൻ:Questura-യിൽ പെർമെസ്സോ പുതുക്കാൻ നൽകുമ്പോൾ ഒരു റെസിഡൻസ അഡ്രസ് കാണിക്കേണ്ടത് അത്യാവശ്യമാണ്.
ഇത് എങ്ങനെയാണ് അപേക്ഷിക്കേണ്ടത്? (How to Apply)
വിർച്വൽ റെസിഡൻസ ലഭിക്കുന്നതിന് പ്രധാനമായും രണ്ട് വഴികളാണുള്ളത്:
സന്നദ്ധ സംഘടനകൾ വഴി (Caritas/Sant’Egidio):ഇറ്റലിയിലെ മിക്ക നഗരങ്ങളിലുംCaritasപോലുള്ള സംഘടനകൾക്ക് ഇതിനുള്ള അധികാരമുണ്ട്. നിങ്ങൾ അവരെ സമീപിച്ച് നിങ്ങളുടെ സാഹചര്യം വ്യക്തമാക്കിയാൽ, അവർ നിങ്ങളുടെ പേരിൽ ഒരു വിലാസം നൽകുകയും അത് കോമുനെയിൽ (Comune) രജിസ്റ്റർ ചെയ്യാൻ സഹായിക്കുകയും ചെയ്യും.
സോഷ്യൽ സർവീസസ് (Servizi Sociali):നിങ്ങളുടെ നഗരത്തിലെ കോമുനെയുടെ സോഷ്യൽ സർവീസ് ഓഫീസിൽ നേരിട്ട് പോയി നിങ്ങൾ‘Senza fissa dimora’(സ്ഥിരമായ വിലാസമില്ലാത്ത വ്യക്തി) ആണെന്ന് അറിയിക്കുക. അവർ നിങ്ങളെ ഇന്റർവ്യൂ ചെയ്ത ശേഷം വിർച്വൽ റെസിഡൻസ അനുവദിക്കും.
പ്രത്യേകം ശ്രദ്ധിക്കാൻ:
വിർച്വൽ റെസിഡൻസ എടുത്താൽ നിങ്ങളുടെ കത്തുകൾ (ബാങ്ക് സ്റ്റേറ്റ്മെന്റ്, സർക്കാർ അറിയിപ്പുകൾ) വരുന്നത് നിങ്ങൾ എവിടെയാണോ അപേക്ഷ നൽകിയത് (ഉദാഹരണത്തിന് Caritas ഓഫീസ്) അവിടെയായിരിക്കും. അതിനാൽ കൃത്യസമയത്ത് അവിടെ പോയി കത്തുകൾ കൈപ്പറ്റേണ്ടത് നിങ്ങളുടെ ഉത്തരവാദിത്തമാണ്.
വിർച്വൽ റെസിഡൻസയെക്കുറിച്ച് (Virtual Residence) കൂടുതൽ ആഴത്തിൽ മനസ്സിലാക്കാൻ എന്റെ ഈ വീഡിയോ കാണുക. ഇതിൽ അപേക്ഷിക്കേണ്ട വിധവും ശ്രദ്ധിക്കേണ്ട കാര്യങ്ങളും വിശദമായി വിവരിക്കുന്നുണ്ട്.
